एजेन्सी: लिभरपुललाई पेनाल्टी सुटआउटमा पराजित गर्दै आर्सनल इंग्लिस लिग कप (काराबायो) कपको क्वाटरफाइनलमा प्रवेश गरेको छ । गए राति भएको खेलमा निर्धारित ९० मिनेटको खेल गोलरहित बराबरीमा सकिएपछि पेनाल्टीबाट आर्सनल इंग्लिस लिग कप नतिजाको टुङ्गो लगाइएको हो ।
आर्सनल ५-४ ले विजयी भयो । आर्सनलको जितमा नायक बनेका गोलकिपर बर्ण्ड लेनोले २ पेनाल्टी रोके । सुरुमा आर्सनलका मोहम्मद एल्ने पेनाल्टीमा चुक्दा आर्सनललाई धक्का लाग्यो ।
आर्सनलका लागि जोसेफ विल्लकले विजयी पेनाल्टी प्रहार गरेका थिए । आर्सनलका लागि एलेक्जान्डर लाकाजेट सोएरेस मइटल्याण्ड नेइल्स पेपे र विल्लकले गोल गरे । लिभरपुलका लागि जेम्स मिलनर जर्जिनिओ विज्नाल्डम ताकुमी मिनामिनो र कर्टिस जोन्सले मात्र गोल गर्न सफल भए ।
यस्तै च्याम्पियन्सिपका स्टोक सिटि र ब्रेन्टफोर्ड पनि क्वाटरफाइनलमा प्रवेश गरेका छन् । ब्रेन्डफोर्डले प्रिमियर लिगको फलहमलाई ३-० ले स्टोकले पनि प्रिमियर लिगकै एस्टन भिल्लालाई १-० ले पराजित गरेको हो ।
Discussion about this post