अमेरिका र चीनको सम्बन्ध तनावपूर्ण : अमेरिकाले चीनको वाणिज्य दूतावास बन्द गर्न निर्देशन

चीनले दक्षिण–पश्चिमी शहर छेङ्दुमा रहेकाे अमेरिकी वाणिज्य दूतावास बन्द गर्न निर्देशन दिएको छ। अमेरिकाले टेक्सासको ह्यूस्टनस्थित चीनको वाणिज्य दूतावास  बन्द गर्न निर्देशन दिएपछि चीनले प्रत्युत्तरमा यो निर्णय गरेको हो। अमेरिका र चीनको सम्बन्ध पछिल्लो समय तनावपूर्ण बनेको छ।  चिनियाँ विदेश मन्त्रालयले भनेको छ,  आफ्नो निर्देशनलाई ‘अमेरिकाको अनुचित कार्यको प्रतिक्रियाको रूपमा लिइएको उचित र आवश्यक कदम’ भनेको छ।  ‘चीन र अमेरिकाबीचको अहिलेको अवस्था चीनले हेर्न चाहेको होइन र यसका लागि अमेरिका सम्पूर्ण रूपले जिम्मेवार छ,’ वक्तव्यमा भनिएको छ। छेङ्दुको अमेरिकी वाणिज्य दूतावास सन् १९८५ मा स्थापना गरिएको र त्यहाँ हाल २०० भन्दा बढी कर्मचारी रहेको बताइएको छ।