माङसेबुङ : चर्चित बाल गायकको रुपमा ख्याति कमाएका कलाकार मनिस लिम्बु र विजु लङवाको अभिनय रहेको म्युजिक भिडियो उडायो उडायो सार्वजनिक भएको छ ।
कलाकार तथा निर्देशक अनिस सुव्वाको निर्देशनमा गायिका स्वास्तिका सावदेनको आवाजमा सजिएको सुमधुर गीत ‘उडायो उडायो’ भिडियो सार्वजनिक गरिएको हो ।
नाम्बिनहाङ लिङदेनको निर्माणमा बनेको भिडियो नाम्बिनहाङ लिङदेनको अफिसियल युट्यूव च्यानल माङसेबुङ म्युजिक भिडियो युट्यूव च्यानलबाट मंगलबार सार्वजनिक गरिएको हो ।
सुमनिसा लिम्बुको समेत अभिनय रहेको भिडियोलाई हेमराज चेम्जोङले छायाँकन गरेका हुन् ।
भिडियोमा सोभा जोसीको मेकअप रहेको छ भने सम्पादन नाम्बिनहाङ लिङदेनको रहेको छ । माङसेबुङ परिसरमा छायाँकन गरिएको भिडियोमा निर्माण सहयोगीहरु सेसेहाङ लिम्बु, बाइसकुमार राई, चोत्लुङ केदेम र खुविनहाङ लिम्बू रहेका छन् ।
प्रेम कथालाई प्रस्तुत गर्न खोजिएको भिडियोमा बिध्यार्थी जिवनमा बसेको माया पिरतिलाई दृश्यमा कैद गरिएको छ ।
गीतकार तथा संगीतकार प्रकाश सावादेनको शव्द, गायक तथा संगीतकार नरेश लिङदेनको संगीतमा सजिएको गीतको संगति संयोजन डम्बर लिम्बुले गरेका हुन् ।
म्युजिक मिडिया धरानमा रेकर्डिङ गरिएको ‘माबु धाम’ गीति एल्बममा संग्रहित गीतलाई बिजय श्रेष्ठले रेकर्डिङ, मिक्सिङ तथा मास्टरिङ गरेका हुन् ।
Discussion about this post