माङ्सेबुङ : झापाको दमकमा पापोहाङ लाओती सयङ केन्द्रीय कार्य समितिद्वारा प्रकाशित वंशावली विमोचन भएको छ । सयङले शनिबार वंशावली विमोचन कार्यक्रमको आयोजना गरि वंशावली विमोचन गरेको हो ।
किरात समुदायका लिम्बु जाती मध्येका लाओती थरका जातीले ५४ पुस्तालाई समेटेर २८४ पृष्ठको वंशावली पुस्तक सार्वजनिक गरेका हुन् । पुस्तक लाओती सयङका अगुवा खड्गबहादुर लाओती, ज्ञानोदय लाओती र जितबहादुर लाओतीले संयुक्त रुपमा लोकार्पण गर्नुभएको थियो ।
छैटौ सताव्दीदेखि लिम्बु जातीले गरे भोगेका र बसोवासको थातथलोलाई समेटेर पछिल्लो पुस्ताले बीस बर्ष लगाएर पुस्तक तयार गरिएको सयङले जनाएको छ ।
देशभर छरिएर रहेका २५ सय बढी घर धुरीलाई समेटेर भव्य कार्यक्रमकाबीच गर्ने भनिएको कार्यक्रम कोराना भाइरस संक्रमणका कारण निश्चित पदाधिकारी र अगुवाहरुबीच सार्वजनिक गरिएको आयोजक पापोहाङ् लाओती सयङले जनाएको छ ।
कार्यक्रममा यसअघि विक्रम सम्बत् १९८९ देखि हस्त लिखितबाट बंश संकलन नामो रायहुँदै नवापसिंह, शेरबहादुर, कृष्ण बहादुर लाओतीको तस्वीरमा माल्यार्पण समेत गरिएको छ । यी चार जनाले विभिन्न कालखण्डमा संकलन गर्दै आएको हस्तलिखित बंशावलीलाई पाँचौ चरणमा प्रकाशन गरिएको पापोहाङ लाओती सयङ केन्द्रीय समितिका महासचिव कान्छा लाओतीले बताए ।
सयङको अध्यक्ष जगतजंग लाओतीको अध्यक्षतामा भएको कार्यक्रममा प्रमुख अतिथि समितिका प्रमुख सल्लाहकार खड्कसुन्दर लाओती, सल्लाहकारद्वय ज्ञानुद्वय लाओती, जीत बहादुर लाओतीले लगायतको उपस्थिति रहेको थियो ।
पापोहाङ लाओती बंशमा पछिल्लो समय किरात लेख्ने र नलेख्ने विचको लामो समय विवादमा रहेपनि केन्द्रीय समितिले पुस्तासंग जोडिएको वंशावली सार्वजानिक गरेका छन् ।
Discussion about this post