किरात लिम्बू भाषामा विद्यार्थीको आर्कषण बढ्दै

सुमन लाओती:  माङसेबुङ, ८ मंसिर । संघीयताको अभ्यासंगै स्थानीय तहमा मातृ भाषाको अध्ययन अध्यापन भईरहेको बेला पछिलो समय किरात लिम्बू भाषा पढ्नका लागि युवाहरुको चासो बढ्न थालेको छ ।
विद्यालयमा मातृभाषामा किरात लिपि अध्यापन शिक्षण गर्नका लागि अनिबार्य कक्षा ११ र १२ मा किरात लिपिमा लिम्बू भाषा उतिर्ण हुनुपर्छ । इलामको माङसेबुङ गाउँपालिकामा कक्षा ११,१२ को किरात लिम्बू भाषाको वार्षिक परीक्षा भएको छ । माध्यमिक शिक्षा उत्तीर्ण  अन्तर्गत परीक्षा भएको हो ।
माङसेबुङ गाउँपालिका वडा नम्बर ५ को सरस्वती माध्यमिक विद्यालयमा आइतबार कक्षा १२ र सोमबार ११ को परीक्षा सम्पन्न भयो ।
सो विद्यालयमा कक्षा ११ मा ३६ जना र कक्षा १२ मा ८ जना सहभागि भएका छन् । कक्षा ११ को परीक्षामा ३० जना समेल भएका थिए ।

आवश्यक सामाजिक भौतिक दूरी कायम गरी परिक्षा संचालन गरिएको आङबुहाङ अबोध अविरलले बताउनुभयो ।
विद्यालयमा परीक्षार्थीको बसाई आवश्यक दुरीमा राखिएको थियो । परिक्षार्थीको अनिवार्य ज्वरो मापन गरि मास्क र सेनिटाइजरको प्रयोग गरि परीक्षा हलमा प्रवेश गराउने व्यवस्था गरिएको थियो । त्यसका लागि स्वास्थ्यकर्मीहरुको समेत व्यवस्था भएको थियो ।
परिक्षामा तेह्रथुमको छत्तर, सुनसरीको धरान, इलाम नगरपालिका, देउमाइ नगरपालिका, माइनगरपालिका, झापा, पान्थरलगायतका बिद्यार्थीहरुको सहभागिता रहेको शिक्षक आङबुहाङले रेडियो माङसेबुङलाई जानकारी  दिनुभयो  ।