माङसेबुङ: ५ मंसिर। माङसेबुङ कृषि बहुद्देश्यीय सहकारी संस्थाले आफ्नो १५औं वार्षिक साधारण सभा सम्पन्न गरेको छ ।
कुल ३ सय २५ शेयर सदस्य संख्या रहेको संस्थाको चुक्ता शेयर पुजी ६१ लाख ९२ हजार ३ सय रहेको छ । भने गत आर्थिक वर्षको भन्दा २५.५५ प्रतिशतले बृद्धि भएको प्रतिवेदनमा उल्लेख गरिएको छ । कोष हिसाब ७ लाख १५ हजार ८ सय ४९ रुपँया छ । बचत, गतको तुलनामा ८२.१६ प्रतिशतले बृद्धि भएर १ करोड २९ लाख ४ हजार १ सय ४८ रहेको छ भने १ करोड ५९ लाख ४८ हजार ८ सय ५४, कर्जा लगानी रहेको छ ।
संस्थाले ५ नं. माङसेबुङ वडा सिलिमङबाट २ लाख ९१ हजार अनुदान प्राप्त गर्दै २४ महिलालाई ३० दिने ढाका तान लगाउने र ढाका बुन्ने तालिमको गरेको व्यावस्थापक चनबहादुर सेर्माले माङसेबुङलाई बताउनु भयो । सेर्माका अनुसार सहकारी प्रवर्दन शिर्षकबाट गाउँपालिकाबाट विनियोजित ८५ हजार ८ सय २६ प्राप्त रकमले कोरोनाका कारण खस्कीदो अर्थतन्त्रका कारण कार्यलय व्यावस्थापन गरिएको बताउनु भयो । उहाँका अनुसार माङगेन्ना सेवा संस्थाको जग्गा लिजमा लिई १२ सय बोट कफी विरुवा रोपन गरेको छ ।
संस्थाले सामाजिक कार्यमा पनि अग्रसरता देखाएको सचिव राजहाङ लाओतीले बताए । लाओतीका अनुसार कारोना भाइरस जस्तो महामारीको बेला माङसेबुृङ गाउँपालिकाको कोरोना भाइरस आपतकालिन कोषमा संस्थाले नगद ५० हजार जम्मा गरिइएको बताए । कोरोनाकै विषम परिस्थितीमा सहकारीले सहुलियत पसल संचालन गर्दै अत्यावश्कीय खाद्यय सामाग्री चामल, तेल, दाल, मकै, च्याख्लाको विक्री वितरण गरेको लाओतीले बताए ।
माङसेबुङ ३ का वडा अध्यक्ष मैतराज राईको आयोजित सभामा शेयर सदस्यलाई प्रतिवेदन र पारवहन खर्च रु २ सय ५० रुपयाँ वितरण गरेका थिए ।
अध्यक्षमा खजुम
आफ्नो १५ औं साधारण सभाले नयाँ कार्यसमितिसमेत निर्वाचित भएका छन ।
अध्यक्षमा क्रमशः राजेन्द्र विक्रम खजुम, उपाध्यक्ष दुधबहादुर लाओती, सचिव राजहाङ लाओती, सहसचिव मनोज शिवाकोटी, कोषाध्यक्ष राजकुमार माबोहाङ, सदसीयहरु किशन खजुम, मखमाया आङदेम्बे, महेश कुमार सेर्मा, निशा चेम्जोङ, चन्द्र इङनाम रहेका छन भने लेखा समितिमा संयोजक धनसिं संबाहाङफे सदस्यमा देउकुमार इधिङगो निर्वाचित भएको थियो ।
Discussion about this post